Śrī Rāma Rakṣā Stotram

Kannada lyrics with meaning · composed by Budha Kaushika · stotra · 40 verses

Open in Avabodhak — read, chant & practice →

Also available in: Devanagari Roman (IAST)

ಓಂ ಶ್ರೀಗಣೇಶಾಯ ನಮಃ ॥

ಓಂ ಶ್ರೀಗಣೇಶಾಯ ನಮಃ ॥

oṃ śrīgaṇeśāya namaḥ ||

Obeisance to Lord Gaṇeśa.

Verse 2 — ಅಸ್ಯ ಶ್ರೀರಾಮರಕ್ಷಾಸ್ತೋತ್ರಮಂತ್ರಸ್ಯ । ಬುಧಕೌಶಿಕ…

ಅಸ್ಯ ಶ್ರೀರಾಮರಕ್ಷಾಸ್ತೋತ್ರಮಂತ್ರಸ್ಯ ।
ಬುಧಕೌಶಿಕ ಋಷಿಃ ।
ಶ್ರೀಸೀತಾರಾಮಚಂದ್ರೋ ದೇವತಾ ।
ಅನುಷ್ಟುಪ್ ಛಂದಃ ।
ಸೀತಾ ಶಕ್ತಿಃ ।
ಶ್ರೀಮದ್ ಹನುಮಾನ ಕೀಲಕಂ ।
ಶ್ರೀರಾಮಚಂದ್ರಪ್ರೀತ್ಯರ್ಥೇ ರಾಮರಕ್ಷಾಸ್ತೋತ್ರಜಪೇ ವಿನಿಯೋಗಃ ॥

asya śrīrāmarakṣāstotramantrasya |
budhakauśika ṛṣiḥ |
śrīsītārāmacandro devatā |
anuṣṭup chandaḥ |
sītā śaktiḥ |
śrīmad hanumāna kīlakam |
śrīrāmacandraprītyarthe rāmarakṣāstotrajape viniyogaḥ ||

The ritual declaration (viniyoga): for this Rāma Rakṣā Stotra mantra — the seer is Budha Kauśika; the deity is Śrī Sītā-Rāmacandra; the metre is Anuṣṭubh; the power is Sītā; the nail-pin is Śrīmad Hanumān; and the japa of the Rāma Rakṣā Stotra is enjoined for the sake of pleasing Śrī Rāmacandra.

Verse 3 — ಅಥ ಧ್ಯಾನಂ । ಧ್ಯಾಯೇದಾಜಾನುಬಾಹುಂ ಧೃತಶರಧನುಷಂ…

ಅಥ ಧ್ಯಾನಂ ।
ಧ್ಯಾಯೇದಾಜಾನುಬಾಹುಂ ಧೃತಶರಧನುಷಂ ಬದ್ಧಪದ್ಮಾಸನಸ್ಥಂ ಪೀತಂ ವಾಸೋ ವಸಾನಂ ನವಕಮಲದಲಸ್ಪರ್ಧಿನೇತ್ರಂ ಪ್ರಸನ್ನಂ ।
ವಾಮಾಂಕಾರೂಢ ಸೀತಾಮುಖಕಮಲಮಿಲಲ್ಲೋಚನಂ ನೀರದಾಭಂ ನಾನಾಲಂಕಾರದೀಪ್ತಂ ದಧತಮುರುಜಟಾಮಂಡನಂ ರಾಮಚಂದ್ರಂ ॥

atha dhyānam |
dhyāyedājānubāhuṃ dhṛtaśaradhanuṣaṃ baddhapadmāsanasthaṃ pītaṃ vāso vasānaṃ navakamaladalaspardhinetraṃ prasannam |
vāmāṅkārūḍha sītāmukhakamalamilallocanaṃ nīradābhaṃ nānālaṅkāradīptaṃ dadhatamurujaṭāmaṇḍanaṃ rāmacandram ||

Now the meditation (dhyānam): one should meditate on Rāmacandra — long-armed reaching the knees, holding bow and arrows, seated in the lotus posture, wearing yellow garments, his eyes rivalling the petals of a fresh lotus, serene; Sītā seated on his left thigh, her lotus-like face turned to his eyes; cloud-hued, radiant with countless ornaments, crowned with a mass of matted locks.

Verse 4 — ಇತಿ ಧ್ಯಾನಂ ॥

ಇತಿ ಧ್ಯಾನಂ ॥

iti dhyānam ||

Thus ends the meditation.

ರಾಮರಕ್ಷಾಸ್ತೋತ್ರಂ

ರಾಮರಕ್ಷಾಸ್ತೋತ್ರಂ

rāmarakṣāstotram

The main body of the Rāma Rakṣā Stotram — the Rāma-kavaca (armour of Rāma) proper, with its closing verses of praise.

Verse 5 — ಚರಿತಂ ರಘುನಾಥಸ್ಯ ಶತಕೋಟಿ ಪ್ರವಿಸ್ತರಂ । ಏಕೈಕಮಕ್ಷರಂ…

ಚರಿತಂ ರಘುನಾಥಸ್ಯ ಶತಕೋಟಿ ಪ್ರವಿಸ್ತರಂ ।
ಏಕೈಕಮಕ್ಷರಂ ಪುಂಸಾಂ ಮಹಾಪಾತಕನಾಶನಂ ॥

caritaṃ raghunāthasya śatakoṭi pravistaram |
ekaikamakṣaraṃ puṃsāṃ mahāpātakanāśanam ||

The exploits of the Lord of the Raghus are vast beyond measure; each syllable of them destroys the greatest sins of men.

Verse 6 — ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವಲೋಚನಂ ।…

ಧ್ಯಾತ್ವಾ ನೀಲೋತ್ಪಲಶ್ಯಾಮಂ ರಾಮಂ ರಾಜೀವಲೋಚನಂ ।
ಜಾನಕೀಲಕ್ಷ್ಮಣೋಪೇತಂ ಜಟಾಮುಕುಟಮಂಡಿತಂ ॥

dhyātvā nīlotpalaśyāmaṃ rāmaṃ rājīvalocanam |
jānakīlakṣmaṇopetaṃ jaṭāmukuṭamaṇḍitam ||

Meditating on Rāma — dark as the blue lotus, lotus-eyed, flanked by Jānakī and Lakṣmaṇa, adorned with a diadem of matted locks —

Verse 7 — ಸಾಸಿತೂಣಧನುರ್ಬಾಣಪಾಣಿಂ ನಕ್ತಂಚರಾಂತಕಂ । ಸ್ವಲೀಲಯಾ…

ಸಾಸಿತೂಣಧನುರ್ಬಾಣಪಾಣಿಂ ನಕ್ತಂಚರಾಂತಕಂ ।
ಸ್ವಲೀಲಯಾ ಜಗತ್ತ್ರಾತುಮಾವಿರ್ಭೂತಮಜಂ ವಿಭುಂ ॥

sāsitūṇadhanurbāṇapāṇiṃ naktañcarāntakam |
svalīlayā jagattrātumāvirbhūtamajaṃ vibhum ||

holding sword, quiver, bow and arrows in his hands, the destroyer of the night-stalkers, who by his own sport appeared to protect the world — the unborn, all-pervading Lord.

Verse 8 — ರಾಮರಕ್ಷಾಂ ಪಠೇತ್ಪ್ರಾಜ್ಞಃ ಪಾಪಘ್ನೀಂ ಸರ್ವಕಾಮದಾಂ ।…

ರಾಮರಕ್ಷಾಂ ಪಠೇತ್ಪ್ರಾಜ್ಞಃ ಪಾಪಘ್ನೀಂ ಸರ್ವಕಾಮದಾಂ ।
ಶಿರೋ ಮೇ ರಾಘವಃ ಪಾತು ಭಾಲಂ ದಶರಥಾತ್ಮಜಃ ॥

rāmarakṣāṃ paṭhetprājñaḥ pāpaghnīṃ sarvakāmadām |
śiro me rāghavaḥ pātu bhālaṃ daśarathātmajaḥ ||

May the wise one recite the Rāma Rakṣā, which destroys sin and grants all desires: may Rāghava protect my head; may Daśaratha's son protect my brow;

Verse 9 — ಕೌಸಲ್ಯೇಯೋ ದೃಶೌ ಪಾತು ವಿಶ್ವಾಮಿತ್ರಪ್ರಿಯಃ ಶ್ರುತೀ ।…

ಕೌಸಲ್ಯೇಯೋ ದೃಶೌ ಪಾತು ವಿಶ್ವಾಮಿತ್ರಪ್ರಿಯಃ ಶ್ರುತೀ ।
ಘ್ರಾಣಂ ಪಾತು ಮಖತ್ರಾತಾ ಮುಖಂ ಸೌಮಿತ್ರಿವತ್ಸಲಃ ॥

kausalyeyo dṛśau pātu viśvāmitrapriyaḥ śrutī |
ghrāṇaṃ pātu makhatrātā mukhaṃ saumitrivatsalaḥ ||

may Kausalyā's son protect my eyes; may he who delights Viśvāmitra protect my ears; may the protector of the sacrifice protect my nose; may the one dear to Lakṣmaṇa protect my face.

Verse 10 — ಜಿಹ್ವಾಂ ವಿದ್ಯಾನಿಧಿಃ ಪಾತು ಕಂಠಂ ಭರತವಂದಿತಃ ।…

ಜಿಹ್ವಾಂ ವಿದ್ಯಾನಿಧಿಃ ಪಾತು ಕಂಠಂ ಭರತವಂದಿತಃ ।
ಸ್ಕಂಧೌ ದಿವ್ಯಾಯುಧಃ ಪಾತು ಭುಜೌ ಭಗ್ನೇಶಕಾರ್ಮುಕಃ ॥

jihvāṃ vidyānidhiḥ pātu kaṇṭhaṃ bharatavanditaḥ |
skandhau divyāyudhaḥ pātu bhujau bhagneśakārmukaḥ ||

May the treasury of wisdom protect my tongue; may he whom Bharata worships protect my throat; may he of divine weapons protect my shoulders; may he who broke the bow of the enemy protect my arms.

Verse 11 — ಕರೌ ಸೀತಾಪತಿಃ ಪಾತು ಹೃದಯಂ ಜಾಮದಗ್ನ್ಯಜಿತ್ । ಮಧ್ಯಂ…

ಕರೌ ಸೀತಾಪತಿಃ ಪಾತು ಹೃದಯಂ ಜಾಮದಗ್ನ್ಯಜಿತ್ ।
ಮಧ್ಯಂ ಪಾತು ಖರಧ್ವಂಸೀ ನಾಭಿಂ ಜಾಂಬವದಾಶ್ರಯಃ ॥

karau sītāpatiḥ pātu hṛdayaṃ jāmadagnyajit |
madhyaṃ pātu kharadhvaṃsī nābhiṃ jāmbavadāśrayaḥ ||

May Sītā's lord protect my hands; may the conqueror of the Jāmadagnya protect my heart; may the destroyer of Khara protect my waist; may the refuge of Jāmbavān protect my navel.

Verse 12 — ಸುಗ್ರೀವೇಶಃ ಕಟೀ ಪಾತು ಸಕ್ಥಿನೀ ಹನುಮತ್ಪ್ರಭುಃ । ಊರೂ…

ಸುಗ್ರೀವೇಶಃ ಕಟೀ ಪಾತು ಸಕ್ಥಿನೀ ಹನುಮತ್ಪ್ರಭುಃ ।
ಊರೂ ರಘೂತ್ತಮಃ ಪಾತು ರಕ್ಷಃಕುಲವಿನಾಶಕೃತ್ ॥

sugrīveśaḥ kaṭī pātu sakthinī hanumatprabhuḥ |
ūrū raghūttamaḥ pātu rakṣaḥkulavināśakṛt ||

May the lord of Sugrīva protect my hips; may the master of Hanumān protect my thighs; may the best of the Raghus protect my thighs; may the destroyer of the rākṣasa race protect me all round.

Verse 13 — ಜಾನುನೀ ಸೇತುಕೃತ್ಪಾತು ಜಂಘೇ ದಶಮುಖಾಂತಕಃ । ಪಾದೌ…

ಜಾನುನೀ ಸೇತುಕೃತ್ಪಾತು ಜಂಘೇ ದಶಮುಖಾಂತಕಃ ।
ಪಾದೌ ಬಿಭೀಷಣಶ್ರೀದಃ ಪಾತು ರಾಮೋಽಖಿಲಂ ವಪುಃ ॥

jānunī setukṛtpātu jaṅghe daśamukhāntakaḥ |
pādau bibhīṣaṇaśrīdaḥ pātu rāmo'khilaṃ vapuḥ ||

May the builder of the bridge protect my knees; may the slayer of the ten-faced Rāvaṇa protect my shanks; may the bestower of prosperity on Vibhīṣaṇa protect my feet; may Rāma protect my entire body.

Verse 14 — ಪಾತಾಲಭೂತಲವ್ಯೋಮಚಾರಿಣಶ್ಛದ್ಮಚಾರಿಣಃ । ನ ದ್ರಷ್ಟುಮಪಿ…

ಪಾತಾಲಭೂತಲವ್ಯೋಮಚಾರಿಣಶ್ಛದ್ಮಚಾರಿಣಃ ।
ನ ದ್ರಷ್ಟುಮಪಿ ಶಕ್ತಾಸ್ತೇ ರಕ್ಷಿತಂ ರಾಮನಾಮಭಿಃ ॥

pātālabhūtalavyomacāriṇaśchadmacāriṇaḥ |
na draṣṭumapi śaktāste rakṣitaṃ rāmanāmabhiḥ ||

Those who move in the nether worlds, on the earth and in the sky, and those who move by deception — they cannot even look upon one protected by the name of Rāma.

Verse 15 — ರಾಮೇತಿ ರಾಮಭದ್ರೇತಿ ರಾಮಚಂದ್ರೇತಿ ವಾ ಸ್ಮರನ್ । ನರೋ ನ…

ರಾಮೇತಿ ರಾಮಭದ್ರೇತಿ ರಾಮಚಂದ್ರೇತಿ ವಾ ಸ್ಮರನ್ ।
ನರೋ ನ ಲಿಪ್ಯತೇ ಪಾಪೈಃ ಭುಕ್ತಿಂ ಮುಕ್ತಿಂ ಚ ವಿಂದತಿ ॥

rāmeti rāmabhadreti rāmacandreti vā smaran |
naro na lipyate pāpaiḥ bhuktiṃ muktiṃ ca vindati ||

Remembering 'Rāma', 'Rāmabhadra' or 'Rāmacandra', a man is not tainted by sins and attains both enjoyment and liberation.

Verse 16 — ಜಗಜ್ಜೈತ್ರೈಕಮಂತ್ರೇಣ ರಾಮನಾಮ್ನಾಭಿರಕ್ಷಿತಂ । ಯಃ ಕಂಠೇ…

ಜಗಜ್ಜೈತ್ರೈಕಮಂತ್ರೇಣ ರಾಮನಾಮ್ನಾಭಿರಕ್ಷಿತಂ ।
ಯಃ ಕಂಠೇ ಧಾರಯೇತ್ತಸ್ಯ ಕರಸ್ಥಾಃ ಸರ್ವಸಿದ್ಧಯಃ ॥

jagajjaitraikamantreṇa rāmanāmnābhirakṣitam |
yaḥ kaṇṭhe dhārayettasya karasthāḥ sarvasiddhayaḥ ||

He who wears upon his neck the (amulet) protected by the world's single supreme mantra, the name of Rāma — all accomplishments come to his hand.

Verse 17 — ವಜ್ರಪಂಜರನಾಮೇದಂ ಯೋ ರಾಮಕವಚಂ ಸ್ಮರೇತ್ ।…

ವಜ್ರಪಂಜರನಾಮೇದಂ ಯೋ ರಾಮಕವಚಂ ಸ್ಮರೇತ್ ।
ಅವ್ಯಾಹತಾಜ್ಞಃ ಸರ್ವತ್ರ ಲಭತೇ ಜಯಮಂಗಲಂ ॥

vajrapañjaranāmedaṃ yo rāmakavacaṃ smaret |
avyāhatājñaḥ sarvatra labhate jayamaṅgalam ||

He who remembers this Rāma-kavaca called the Vajrapañjara (diamond cage) — unimpeded in command, he everywhere attains victory and auspiciousness.

Verse 18 — ಆದಿಷ್ಟವಾನ್ ಯಥಾ ಸ್ವಪ್ನೇ ರಾಮರಕ್ಷಾಮಿಮಾಂ ಹರಃ । ತಥಾ…

ಆದಿಷ್ಟವಾನ್ ಯಥಾ ಸ್ವಪ್ನೇ ರಾಮರಕ್ಷಾಮಿಮಾಂ ಹರಃ ।
ತಥಾ ಲಿಖಿತವಾನ್ ಪ್ರಾತಃ ಪ್ರಬುದ್ಧೋ ಬುಧಕೌಶಿಕಃ ॥

ādiṣṭavān yathā svapne rāmarakṣāmimāṃ haraḥ |
tathā likhitavān prātaḥ prabuddho budhakauśikaḥ ||

Just as Śiva commanded this Rāma Rakṣā in a dream, so did Budha Kauśika, upon waking, write it down at dawn.

Verse 19 — ಆರಾಮಃ ಕಲ್ಪವೃಕ್ಷಾಣಾಂ ವಿರಾಮಃ ಸಕಲಾಪದಾಂ ।…

ಆರಾಮಃ ಕಲ್ಪವೃಕ್ಷಾಣಾಂ ವಿರಾಮಃ ಸಕಲಾಪದಾಂ ।
ಅಭಿರಾಮಸ್ತ್ರಿಲೋಕಾನಾಂ ರಾಮಃ ಶ್ರೀಮಾನ್ ಸ ನಃ ಪ್ರಭುಃ ॥

ārāmaḥ kalpavṛkṣāṇāṃ virāmaḥ sakalāpadām |
abhirāmastrilokānāṃ rāmaḥ śrīmān sa naḥ prabhuḥ ||

He is the garden of the wish-fulfilling trees, the cessation of all calamities, the delight of the three worlds — may that glorious Rāma be our Lord.

Verse 20 — ತರುಣೌ ರೂಪಸಂಪನ್ನೌ ಸುಕುಮಾರೌ ಮಹಾಬಲೌ ।…

ತರುಣೌ ರೂಪಸಂಪನ್ನೌ ಸುಕುಮಾರೌ ಮಹಾಬಲೌ ।
ಪುಂಡರೀಕವಿಶಾಲಾಕ್ಷೌ ಚೀರಕೃಷ್ಣಾಜಿನಾಂಬರೌ ॥

taruṇau rūpasampannau sukumārau mahābalau |
puṇḍarīkaviśālākṣau cīrakṛṣṇājināmbarau ||

Both youths, handsome in form, tender and immensely strong, with eyes wide as the lotus, wearing garments of bark and black antelope skin —

Verse 21 — ಫಲಮೂಲಾಶಿನೌ ದಾಂತೌ ತಾಪಸೌ ಬ್ರಹ್ಮಚಾರಿಣೌ । ಪುತ್ರೌ…

ಫಲಮೂಲಾಶಿನೌ ದಾಂತೌ ತಾಪಸೌ ಬ್ರಹ್ಮಚಾರಿಣೌ ।
ಪುತ್ರೌ ದಶರಥಸ್ಯೈತೌ ಭ್ರಾತರೌ ರಾಮಲಕ್ಷ್ಮಣೌ ॥

phalamūlāśinau dāntau tāpasau brahmacāriṇau |
putrau daśarathasyaitau bhrātarau rāmalakṣmaṇau ||

feeding on fruits and roots, self-controlled, ascetics and celibates — these two sons of Daśaratha, the brothers Rāma and Lakṣmaṇa,

Verse 22 — ಶರಣ್ಯೌ ಸರ್ವಸತ್ತ್ವಾನಾಂ ಶ್ರೇಷ್ಠೌ ಸರ್ವಧನುಷ್ಮತಾಂ ।…

ಶರಣ್ಯೌ ಸರ್ವಸತ್ತ್ವಾನಾಂ ಶ್ರೇಷ್ಠೌ ಸರ್ವಧನುಷ್ಮತಾಂ ।
ರಕ್ಷಃ ಕುಲನಿಹಂತಾರೌ ತ್ರಾಯೇತಾಂ ನೋ ರಘೂತ್ತಮೌ ॥

śaraṇyau sarvasattvānāṃ śreṣṭhau sarvadhanuṣmatām |
rakṣaḥ kulanihantārau trāyetāṃ no raghūttamau ||

refuges of all beings, foremost of all archers, destroyers of the rākṣasa race — may the two best of the Raghus protect us.

Verse 23 — ಆತ್ತಸಜ್ಜಧನುಷಾವಿಷುಸ್ಪೃಶಾವಕ್ಷಯಾಶುಗನಿಷಂಗಸಂಗಿನೌ ।…

ಆತ್ತಸಜ್ಜಧನುಷಾವಿಷುಸ್ಪೃಶಾವಕ್ಷಯಾಶುಗನಿಷಂಗಸಂಗಿನೌ ।
ರಕ್ಷಣಾಯ ಮಮ ರಾಮಲಕ್ಷ್ಮಣಾವಗ್ರತಃ ಪಥಿ ಸದೈವ ಗಚ್ಛತಾಂ ॥

āttasajjadhanuṣāviṣuspṛśāvakṣayāśuganiṣaṅgasaṅginau |
rakṣaṇāya mama rāmalakṣmaṇāvagrataḥ pathi sadaiva gacchatām ||

Bows strung and ready, touching their arrows, their quivers filled with inexhaustible shafts — may Rāma and Lakṣmaṇa ever go before me on the path to protect me.

Verse 24 — ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ ।…

ಸನ್ನದ್ಧಃ ಕವಚೀ ಖಡ್ಗೀ ಚಾಪಬಾಣಧರೋ ಯುವಾ ।
ಗಚ್ಛನ್ಮನೋರಥೋಽಸ್ಮಾಕಂ ರಾಮಃ ಪಾತು ಸಲಕ್ಷ್ಮಣಃ ॥

sannaddhaḥ kavacī khaḍgī cāpabāṇadharo yuvā |
gacchanmanoratho'smākaṃ rāmaḥ pātu salakṣmaṇaḥ ||

Armoured, girded with the sword, bearing bow and arrows, youthful, moving as my heart desires — may Rāma with Lakṣmaṇa protect us.

Verse 25 — ರಾಮೋ ದಾಶರಥಿಃ ಶೂರೋ ಲಕ್ಷ್ಮಣಾನುಚರೋ ಬಲೀ ।…

ರಾಮೋ ದಾಶರಥಿಃ ಶೂರೋ ಲಕ್ಷ್ಮಣಾನುಚರೋ ಬಲೀ ।
ಕಾಕುತ್ಸ್ಥಃ ಪುರುಷಃ ಪೂರ್ಣಃ ಕೌಸಲ್ಯೇಯೋ ರಘೂತ್ತಮಃ ॥

rāmo dāśarathiḥ śūro lakṣmaṇānucaro balī |
kākutsthaḥ puruṣaḥ pūrṇaḥ kausalyeyo raghūttamaḥ ||

Rāma, son of Daśaratha, the hero, the strong one attended by Lakṣmaṇa, scion of Kakutstha, the complete Puruṣa, son of Kausalyā, best of the Raghus —

Verse 26 — ವೇದಾಂತವೇದ್ಯೋ ಯಜ್ಞೇಶಃ ಪುರಾಣಪುರುಷೋತ್ತಮಃ ।…

ವೇದಾಂತವೇದ್ಯೋ ಯಜ್ಞೇಶಃ ಪುರಾಣಪುರುಷೋತ್ತಮಃ ।
ಜಾನಕೀವಲ್ಲಭಃ ಶ್ರೀಮಾನ್ ಅಪ್ರಮೇಯ ಪರಾಕ್ರಮಃ ॥

vedāntavedyo yajñeśaḥ purāṇapuruṣottamaḥ |
jānakīvallabhaḥ śrīmān aprameya parākramaḥ ||

knowable through the Upaniṣads, lord of sacrifices, the supreme Puruṣa of the Purāṇas, beloved of Jānakī, glorious, of immeasurable valour.

Verse 27 — ಇತ್ಯೇತಾನಿ ಜಪನ್ನಿತ್ಯಂ ಮದ್ಭಕ್ತಃ ಶ್ರದ್ಧಯಾನ್ವಿತಃ ।…

ಇತ್ಯೇತಾನಿ ಜಪನ್ನಿತ್ಯಂ ಮದ್ಭಕ್ತಃ ಶ್ರದ್ಧಯಾನ್ವಿತಃ ।
ಅಶ್ವಮೇಧಾಧಿಕಂ ಪುಣ್ಯಂ ಸಂಪ್ರಾಪ್ನೋತಿ ನ ಸಂಶಯಃ ॥

ityetāni japannityaṃ madbhaktaḥ śraddhayānvitaḥ |
aśvamedhādhikaṃ puṇyaṃ samprāpnoti na saṃśayaḥ ||

Reciting these names daily, my devotee, filled with faith, attains merit greater than the Aśvamedha sacrifice — of this there is no doubt.

Verse 28 — ರಾಮಂ ದೂರ್ವಾದಲಶ್ಯಾಮಂ ಪದ್ಮಾಕ್ಷಂ ಪೀತವಾಸಸಂ ।…

ರಾಮಂ ದೂರ್ವಾದಲಶ್ಯಾಮಂ ಪದ್ಮಾಕ್ಷಂ ಪೀತವಾಸಸಂ ।
ಸ್ತುವಂತಿ ನಾಮಭಿರ್ದಿವ್ಯೈಃ ನ ತೇ ಸಂಸಾರಿಣೋ ನರಾಃ ॥

rāmaṃ dūrvādalaśyāmaṃ padmākṣaṃ pītavāsasam |
stuvanti nāmabhirdivyaiḥ na te saṃsāriṇo narāḥ ||

Men who praise Rāma — dark as the dūrvā blade, lotus-eyed, clad in yellow — with his divine names are no longer bound to worldly existence.

Verse 29 — ರಾಮಂ ಲಕ್ಷ್ಮಣಪೂರ್ವಜಂ ರಘುವರಂ ಸೀತಾಪತಿಂ ಸುಂದರಂ ।…

ರಾಮಂ ಲಕ್ಷ್ಮಣಪೂರ್ವಜಂ ರಘುವರಂ ಸೀತಾಪತಿಂ ಸುಂದರಂ ।
ಕಾಕುತ್ಸ್ಥಂ ಕರುಣಾರ್ಣವಂ ಗುಣನಿಧಿಂ ವಿಪ್ರಪ್ರಿಯಂ ಧಾರ್ಮಿಕಂ ।
ರಾಜೇಂದ್ರಂ ಸತ್ಯಸಂಧಂ ದಶರಥತನಯಂ ಶ್ಯಾಮಲಂ ಶಾಂತಮೂರ್ತಿಂ ।
ವಂದೇ ಲೋಕಾಭಿರಾಮಂ ರಘುಕುಲತಿಲಕಂ ರಾಘವಂ ರಾವಣಾರಿಂ ॥

rāmaṃ lakṣmaṇapūrvajaṃ raghuvaraṃ sītāpatiṃ sundaram |
kākutsthaṃ karuṇārṇavaṃ guṇanidhiṃ viprapriyaṃ dhārmikam |
rājendraṃ satyasandhaṃ daśarathatanayaṃ śyāmalaṃ śāntamūrtim |
vande lokābhirāmaṃ raghukulatilakaṃ rāghavaṃ rāvaṇārim ||

I bow to Rāma — elder brother of Lakṣmaṇa, best of the Raghus, lord of Sītā, the beautiful, scion of Kakutstha, ocean of compassion, treasury of virtues, dear to the wise, righteous; emperor, true to his pledge, son of Daśaratha, dark-hued, of tranquil form — the delight of all the worlds, ornament of the Raghu race, foe of Rāvaṇa.

Verse 30 — ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ । ರಘುನಾಥಾಯ…

ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೇ ।
ರಘುನಾಥಾಯ ನಾಥಾಯ ಸೀತಾಯಾಃ ಪತಯೇ ನಮಃ ॥

rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ ||

Obeisance to Rāma, to Rāmabhadra, to Rāmacandra, to the ordainer, to the lord of the Raghus, to the protector, to the lord of Sītā.

Verse 31 — ಶ್ರೀರಾಮ ರಾಮ ರಘುನಂದನ ರಾಮ ರಾಮ ಶ್ರೀರಾಮ ರಾಮ…

ಶ್ರೀರಾಮ ರಾಮ ರಘುನಂದನ ರಾಮ ರಾಮ ಶ್ರೀರಾಮ ರಾಮ ಭರತಾಗ್ರಜ ರಾಮ ರಾಮ ।
ಶ್ರೀರಾಮ ರಾಮ ರಣಕರ್ಕಶ ರಾಮ ರಾಮ ಶ್ರೀರಾಮ ರಾಮ ಶರಣಂ ಭವ ರಾಮ ರಾಮ ॥

śrīrāma rāma raghunandana rāma rāma śrīrāma rāma bharatāgraja rāma rāma |
śrīrāma rāma raṇakarkaśa rāma rāma śrīrāma rāma śaraṇaṃ bhava rāma rāma ||

Śrī Rāma, Rāma, delight of the Raghus, Rāma, Rāma; Śrī Rāma, Rāma, elder brother of Bharata, Rāma, Rāma; Śrī Rāma, Rāma, fierce in battle, Rāma, Rāma; Śrī Rāma, Rāma, be my refuge, Rāma, Rāma.

Verse 32 — ಶ್ರೀರಾಮಚಂದ್ರಚರಣೌ ಮನಸಾ ಸ್ಮರಾಮಿ ಶ್ರೀರಾಮಚಂದ್ರಚರಣೌ…

ಶ್ರೀರಾಮಚಂದ್ರಚರಣೌ ಮನಸಾ ಸ್ಮರಾಮಿ ಶ್ರೀರಾಮಚಂದ್ರಚರಣೌ ವಚಸಾ ಗೃಣಾಮಿ ।
ಶ್ರೀರಾಮಚಂದ್ರಚರಣೌ ಶಿರಸಾ ನಮಾಮಿ ಶ್ರೀರಾಮಚಂದ್ರಚರಣೌ ಶರಣಂ ಪ್ರಪದ್ಯೇ ॥

śrīrāmacandracaraṇau manasā smarāmi śrīrāmacandracaraṇau vacasā gṛṇāmi |
śrīrāmacandracaraṇau śirasā namāmi śrīrāmacandracaraṇau śaraṇaṃ prapadye ||

I remember in my mind the feet of Śrī Rāmacandra; I praise with my speech the feet of Śrī Rāmacandra; I bow my head to the feet of Śrī Rāmacandra; I take refuge in the feet of Śrī Rāmacandra.

Verse 33 — ಮಾತಾ ರಾಮೋ ಮತ್ಪಿತಾ ರಾಮಚಂದ್ರಃ ಸ್ವಾಮೀ ರಾಮೋ ಮತ್ಸಖಾ…

ಮಾತಾ ರಾಮೋ ಮತ್ಪಿತಾ ರಾಮಚಂದ್ರಃ ಸ್ವಾಮೀ ರಾಮೋ ಮತ್ಸಖಾ ರಾಮಚಂದ್ರಃ ।
ಸರ್ವಸ್ವಂ ಮೇ ರಾಮಚಂದ್ರೋ ದಯಾಲುರ್ನಾನ್ಯಂ ಜಾನೇ ನೈವ ಜಾನೇ ನ ಜಾನೇ ॥

mātā rāmo matpitā rāmacandraḥ svāmī rāmo matsakhā rāmacandraḥ |
sarvasvaṃ me rāmacandro dayālurnānyaṃ jāne naiva jāne na jāne ||

Rāma is my mother, Rāmacandra is my father; Rāma is my lord, Rāmacandra is my friend; Rāmacandra, the compassionate, is my all — I know none other, indeed I know none other.

Verse 34 — ದಕ್ಷಿಣೇ ಲಕ್ಷ್ಮಣೋ ಯಸ್ಯ ವಾಮೇ ತು ಜನಕಾತ್ಮಜಾ । ಪುರತೋ…

ದಕ್ಷಿಣೇ ಲಕ್ಷ್ಮಣೋ ಯಸ್ಯ ವಾಮೇ ತು ಜನಕಾತ್ಮಜಾ ।
ಪುರತೋ ಮಾರುತಿರ್ಯಸ್ಯ ತಂ ವಂದೇ ರಘುನಂದನಂ ॥

dakṣiṇe lakṣmaṇo yasya vāme tu janakātmajā |
purato mārutiryasya taṃ vande raghunandanam ||

Him on whose right stands Lakṣmaṇa, on whose left the daughter of Janaka, before whom stands Māruti — that delight of the Raghus I adore.

Verse 35 — ಲೋಕಾಭಿರಾಮಂ ರಣರಂಗಧೀರಂ ರಾಜೀವನೇತ್ರಂ ರಘುವಂಶನಾಥಂ ।…

ಲೋಕಾಭಿರಾಮಂ ರಣರಂಗಧೀರಂ ರಾಜೀವನೇತ್ರಂ ರಘುವಂಶನಾಥಂ ।
ಕಾರುಣ್ಯರೂಪಂ ಕರುಣಾಕರಂ ತಂ ಶ್ರೀರಾಮಚಂದ್ರಂ ಶರಣಂ ಪ್ರಪದ್ಯೇ ॥

lokābhirāmaṃ raṇaraṅgadhīraṃ rājīvanetraṃ raghuvaṃśanātham |
kāruṇyarūpaṃ karuṇākaraṃ taṃ śrīrāmacandram śaraṇaṃ prapadye ||

To Rāmacandra — the delight of all the worlds, steadfast in the battlefield, lotus-eyed, lord of the Raghu dynasty, embodiment of compassion, source of grace — I take refuge.

Verse 36 — ಮನೋಜವಂ ಮಾರುತತುಲ್ಯವೇಗಂ ಜಿತೇಂದ್ರಿಯಂ ಬುದ್ಧಿಮತಾಂ…

ಮನೋಜವಂ ಮಾರುತತುಲ್ಯವೇಗಂ ಜಿತೇಂದ್ರಿಯಂ ಬುದ್ಧಿಮತಾಂ ವರಿಷ್ಠಂ ।
ವಾತಾತ್ಮಜಂ ವಾನರಯೂಥಮುಖ್ಯಂ ಶ್ರೀರಾಮದೂತಂ ಶರಣಂ ಪ್ರಪದ್ಯೇ ॥

manojavaṃ mārutatulyavegaṃ jitendriyaṃ buddhimatāṃ variṣṭham |
vātātmajaṃ vānarayūthamukhyaṃ śrīrāmadūtaṃ śaraṇaṃ prapadye ||

To Hanumān — swift as the mind, of speed equal to the wind, his senses subdued, foremost of the wise, son of the wind-god, chief of the hosts of monkeys, messenger of Śrī Rāma — I take refuge.

Verse 37 — ಕೂಜಂತಂ ರಾಮರಾಮೇತಿ ಮಧುರಂ ಮಧುರಾಕ್ಷರಂ । ಆರುಹ್ಯ…

ಕೂಜಂತಂ ರಾಮರಾಮೇತಿ ಮಧುರಂ ಮಧುರಾಕ್ಷರಂ ।
ಆರುಹ್ಯ ಕವಿತಾಶಾಖಾಂ ವಂದೇ ವಾಲ್ಮೀಕಿಕೋಕಿಲಂ ॥

kūjantaṃ rāmarāmeti madhuraṃ madhurākṣaram |
āruhya kavitāśākhāṃ vande vālmīkikokilam ||

I adore the cuckoo of Vālmīki, perched upon the branch of poetry, warbling sweetly the sweet syllables 'Rāma, Rāma'.

Verse 38 — ಆಪದಾಮಪಹರ್ತಾರಂ ದಾತಾರಂ ಸರ್ವಸಂಪದಾಂ । ಲೋಕಾಭಿರಾಮಂ…

ಆಪದಾಮಪಹರ್ತಾರಂ ದಾತಾರಂ ಸರ್ವಸಂಪದಾಂ ।
ಲೋಕಾಭಿರಾಮಂ ಶ್ರೀರಾಮಂ ಭೂಯೋ ಭೂಯೋ ನಮಾಮ್ಯಹಂ ॥

āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||

To the remover of calamities, the bestower of all prosperity, the delight of all the worlds, Śrī Rāma — again and again I bow.

Verse 39 — ಭರ್ಜನಂ ಭವಬೀಜಾನಾಮರ್ಜನಂ ಸುಖಸಂಪದಾಂ । ತರ್ಜನಂ…

ಭರ್ಜನಂ ಭವಬೀಜಾನಾಮರ್ಜನಂ ಸುಖಸಂಪದಾಂ ।
ತರ್ಜನಂ ಯಮದೂತಾನಾಂ ರಾಮರಾಮೇತಿ ಗರ್ಜನಂ ॥

bharjanaṃ bhavabījānāmarjanaṃ sukhasampadām |
tarjanaṃ yamadūtānāṃ rāmarāmeti garjanam ||

The name 'Rāma, Rāma' is the roasting of the seeds of worldly existence, the acquisition of the riches of happiness, and the terror of the messengers of Death.

Verse 40 — ರಾಮೋ ರಾಜಮಣಿಃ ಸದಾ ವಿಜಯತೇ ರಾಮಂ ರಮೇಶಂ ಭಜೇ…

ರಾಮೋ ರಾಜಮಣಿಃ ಸದಾ ವಿಜಯತೇ ರಾಮಂ ರಮೇಶಂ ಭಜೇ ರಾಮೇಣಾಭಿಹತಾ ನಿಶಾಚರಚಮೂ ರಾಮಾಯ ತಸ್ಮೈ ನಮಃ ।
ರಾಮಾನ್ನಾಸ್ತಿ ಪರಾಯಣಂ ಪರತರಂ ರಾಮಸ್ಯ ದಾಸೋಽಸ್ಮ್ಯಹಂ ರಾಮೇ ಚಿತ್ತಲಯಃ ಸದಾ ಭವತು ಮೇ ಭೋ ರಾಮ ಮಾಮುದ್ಧರ ॥

rāmo rājamaṇiḥ sadā vijayate rāmaṃ rameśaṃ bhaje rāmeṇābhihatā niśācaracamū rāmāya tasmai namaḥ |
rāmānnāsti parāyaṇaṃ parataraṃ rāmasya dāso'smyahaṃ rāme cittalayaḥ sadā bhavatu me bho rāma māmuddhara ||

Rāma, the king-jewel, always triumphs; I worship Rāma, the lord of Lakṣmī. The hosts of night-stalkers are struck down by Rāma; to that Rāma I bow. There is no refuge higher than Rāma; I am Rāma's servant; may my mind always rest in Rāma — O Rāma, raise me up.

Verse 41 — ರಾಮರಾಮೇತಿ ರಾಮೇತಿ ರಮೇ ರಾಮೇ ಮನೋರಮೇ ।…

ರಾಮರಾಮೇತಿ ರಾಮೇತಿ ರಮೇ ರಾಮೇ ಮನೋರಮೇ ।
ಸಹಸ್ರನಾಮತತ್ತುಲ್ಯಂ ರಾಮನಾಮ ವರಾನನೇ ॥

rāmarāmeti rāmeti rame rāme manorame |
sahasranāmatattulyaṃ rāmanāma varānane ||

'Rāma, Rāma' — I delight in the name 'Rāma', so charming; the name of Rāma is equal to the thousand names (of Viṣṇu), O fair-faced one.

About Śrī Rāma Rakṣā Stotram

Śrī Rāma Rakṣā Stotram is a Sanskrit stotra, composed by Budha Kaushika, addressed to Rama — a Stotra. It is presented here in Devanagari, Roman (IAST), Kannada, each verse with its English meaning. Source text: sanskritdocuments.org.

The Rāma Rakṣā Stotram is traditionally attributed to Budha Kauśika, a sage of the Rāmāyaṇa tradition who received the hymn of Rāma’s protection from Śiva in a dream.

Learn & chant Śrī Rāma Rakṣā Stotram on Avabodhak →

Frequently asked questions

What is Śrī Rāma Rakṣā Stotram and what does it mean?

Śrī Rāma Rakṣā Stotram is a Sanskrit stotra (devotional hymn), composed by Budha Kaushika, addressed to Rama, of 40 verses. On Avabodhak every verse is shown with its English meaning, so you can understand the text line by line as you read.

How do I pronounce Śrī Rāma Rakṣā Stotram correctly?

Avabodhak presents Śrī Rāma Rakṣā Stotram in Devanagari, Roman (IAST), Kannada alongside IAST Roman transliteration that marks every long vowel (ā, ī, ū) and conjunct consonant. Reading the Devanagari text with the IAST line lets you follow the exact pronunciation syllable by syllable, and the guided practice mode replays it line by line.

What is the word-by-word meaning of Śrī Rāma Rakṣā Stotram?

Avabodhak pairs each verse of Śrī Rāma Rakṣā Stotram with its English meaning, and the practice view breaks lines into individual words — so you learn what each word means, not just the overall sense.

Who composed Śrī Rāma Rakṣā Stotram?

Śrī Rāma Rakṣā Stotram is attributed to Budha Kaushika.

In which scripts can I read Śrī Rāma Rakṣā Stotram?

Śrī Rāma Rakṣā Stotram is available in Devanagari, Roman (IAST), Kannada on Avabodhak, each with English meaning and IAST transliteration.

Can I chant or practice Śrī Rāma Rakṣā Stotram online?

Yes — Avabodhak offers a free reading view plus guided practice and word-puzzle modes to help you chant and memorise Śrī Rāma Rakṣā Stotram.